عيد الأضحى... فرحة بتلم الناس
إعداد: محمد الجاك – صرير الأقلام
عيد الأضحى في السودان ما عيد وبس، هو مناسبة بتلم الناس، وتفتح البيوت، وتوزع المحبة قبل اللحمة.
من بدري، الناس بتبدأ التجهيز، بتمشي السوق، وتشتري الخرفان، والزول بفتش على "الضحية السمحة".
تمشي تلاقي الزحمة واللمة في كل زاوية، والفرحة باينة في العيون.
ويوم الوقفة، الجيران بيساعدوا بعض، والحلة كلها بتشتغل كأنها بيت واحد.
أول يوم عيد، بعد الصلاة، الكل بيبارك لبعض: "أضحى مبارك"، و"كل سنة وإنت طيب".
الضحية بتتوزع على الفقراء، والأقارب، والجيران.
اللمة، القهوة، العصير، التمر، والضحك الفي الضل – دي روح العيد الحقيقي.
عيد الأضحى عندنا ما مناسبة عابرة، ده وجدان بيأكد لينا إنو السودان لسه بخير، ما دام في ناس بتتلم وقلوب بتتسع.
وكل سنة وبلدنا بخير.

تعليقات
إرسال تعليق