الدافوري

 

إعداد :محمد الجاك 




الدافوري... كورة الشارع وريحة الزمن الجميل

بقلم: محمد الجاك

في قلب كل حي سوداني، في شارع ترابي هو الملعب، وكورة بلاستيك هي البطولة، وأولاد صغار بيجروا بكل شوق... دي الكورة الحقيقية: الدافوري.

ما في حكّام، ما في قمصان موحدة، لكن في قانون مكتوب في القلوب، وفي روح ما بتتكرر.
الزول بيلعب حفيان، بجلابية، بشبشب، أو جزمة أي فردة من بلد... لكن الحماس فوق 100%.

كل حي عندو نجم... عندو "القصير المهاري"، و"الحارس البهلوني" المتأثر بـبوفون، مانويل نوير، أو الحارس الأسطوري بيتر تشيك.
والواحد البسجل هدف؟ بيقلب الميدان فرح، وكأنو جاب كأس العالم.

الدافوري ما لعب ساي... الدافوري صحبة، وتربية،  وارتباط صداقة وضحك ما بينقطع.
والونسة بعد الكورة؟ مرات تكون أجمل من الكورة ذاتها.



الدافوري ما ملعب ساي... الدافوري ذكرى بتعيش في القلب.
ريحة التراب، صوت أول هدف، وجملة:
"قسماً بالله هدف!" – والله ما هدف!"
دي حاجات ما بتنمسح.

وحتى لو كبرنا، بتظل في البال...
حليل الدافوري.. 

تعليقات